ЈДГ „Весели Цветови" - на општина Кисела Вода во Град Скопје отсекогаш се грижела за добросостојбата и правата на децата. Тоа го потврди и покажа преку учество на вработените: Елена Гоговска - воспитувач, Ирена Василевска -воспитувач и Весна Блажевска - социјален работник во проектот ОД 1 ДО 5 - СТОП ЗА СЕКСУАЛНО НАСИЛСТВО ВРЗ ДЕЦАТА. Во периодот што следува, ќе продолжиме интензивно да работиме и реализираме воспитно - образовни активности на оваа сензитивна тема, пришто и останатите вработени ќе имаат можност да ги користат адаптираните едукативни содржини за работа со деца и возрасни. Секогаш сме посветени на максимата: „Децата се најважни и работиме во најдобар интерес за нив"!
