Драги родители, колеги и најсакани деца,
Денес, на 25.10.2025 година преку Видео презентација, поради неможноста за физичко присуство на Конференцијата: „Педагошки компас у медијском лабиринту: прилике и изазови", која се одржува во Сараево, Босна и Херцеговина, стручниот работник - социјален работник Весна Блажевска зема учество со свој труд на овој голем настан.
Нејзиниот труд носи наслов: „МЕДИЈЕ НУДЕ СВАШТА - И МОГУ ДА РАЗВИЈУ ДЕЧЈА МАШТА".
Овој труд ќе биде објавен во Меѓународен зборник и секој ќе има можност да го прочита. Учеството на Весна Блажевска на вакви Меѓународни конференции е во континуитет, каде таа учествува со свои трудови на најразлични теми од областа на предучилишното воспитание и образование, со што дава голем придонес за афирмација на ЈДГ„Весели Цветови" - на општина Кисела Вода во Град Скопје, како во нашата држава, така и во државите од регионот и Европа.